Første delen av dagen var elevane inndelte i grupper som skulle utføre ulike aktivitetar. Innsatsen var veldig god, og stemninga var og på topp. Etterpå var det grilling, sandvolleyballturnering og andre aktivitetar. Det regna litt medan vi køyrde til Sandviksanden, men ettter kvart for skyene sin veg og temperaturen steig til 27 grader.

Den tredje skuledagen starta med frukost for alle elevar og tilsette. Deretter var det to gruppeaktivitetar for elevane. Gruppene var samansette på tvers av programområda, og føremålet med opplegget var å trene samarbeid og å byggje eit godt fellesskap.