Etter at kvart parti hadde hatt eit innlegg der dei fekk presentere nokre av sine kjernesaker, var det klart for spørsmål som elevane hadde laga på førehand med utgangspunkt i partiprogramma. Ester Sørdal Klungre leidde debatten og styrte deltakarane inn på desse hovudemna: Auke i politisk engasjement blant ungdom, Samferdsle, Studiefinansiering, Innvandringspolitikk, Bistand og Klima. Panelet synte stort engasjement og fekk mykje respons frå salen. Skulevalet finn stad fredag 4. september.