Dei hadde invitert representantar frå eit variert og optimistisk næringsliv som fekk presentere seg for elevane, som på si side kvitterte med å vere ei svært lydhøyr forsamling.

Dagen starta med arbeidsfrukost (kjempegod, laga av HS!) der temaet var framtida og behovet for ung arbeidskraft i Vanylven. Men det viktigaste var møtet mellom næringslivet og elevane. Ein fekk mange spennande innspel frå innleiarane. Sjølv om folketalsutviklinga i kommunen ikkje er god, er det stor tru på framtida hos bedriftene som var representerte.

På slutten av dagen overrekte ordførar Jan Helgøy kr.20.000 i gåve til elevane. Pengane er øyremerka trivselstiltak, og kjem truleg godt med i finansiering av Polen-turen i april.