10.klassingane på besøk
15. januar var alle 10.klassingane frå Vanylven og nokre frå Dravlaus skule på hospiteringsdag hos oss. Alle elevane var innom i alt seks stasjonar der dei fekk små smakebitar på kva som føregår på dei tre utdanningsprogramma våre
Dagen baud på svært varierte aktivitetar slik som baking på kjøkkenet, sveising på verkstaden, naturfagøvingar, elektrokoplingar, konkurranse m.m. I pausane vanka det smaksprøver frå kjøkkenet på kantina. Det var god stemning på skulen og både gjestar og vertskap såg ut til å trivast godt denne dagen. Så får vi vone at visitten gjorde sitt til at vi vil møte att mange av desse 16-åringane til hausten. |
|
